Albania News Agency

Kryeministri kroat Andrej Plenkovic deklaroi se janë ndërmarrë hapa për të çuar më tej marrëdhëniet midis dy vendeve.

Duke folur për rëndësinë politike të marrëveshjes së nënshkruar, Plenkovic tha: “Me Marrëveshjen e Bashkëpunimit Strategjik të nënshkruar midis Qeverisë së Kroacisë dhe Qeverisë së Maqedonisë së Veriut, ne kemi forcuar edhe më tej kuadrin politik për të thelluar marrëdhëniet midis Kroacisë dhe Maqedonisë së Veriut.”

Duke tërhequr vëmendjen te fushat e partneritetit strategjik të mbuluara nga marrëveshja, Plenkovic tha: “Me këtë marrëveshje ne promovojmë bashkëpunimin dhe partneritetet reciproke ekonomike dhe tregtare, veçanërisht në fushat e zhvillimit të infrastrukturës, transportit, energjisë, teknologjisë së informacionit, sigurisë kibernetike dhe mbrojtjes, si dhe në çështjet e brendshme, sigurinë kufitare dhe menaxhimin e migracionit.”