Albania News Agency

Presidenti i Ukrainës Volodymyr Zelensky bëri një deklaratë pas takimit të tij me Patriarkun Ekumenik Bartolomeu.

Duke iu referuar çështjeve kryesore të takimit, Zelensky tha: “Stamboll. Takim me Patriarkun Ekumenik Bartolomeu. Tema kryesore e takimit ishte gjendja e vështirë e fëmijëve ukrainas dhe vuajtjet që ata detyrohen të durojnë për shkak të agresionit rus”.

Zelensky tha: “Falënderoj Shenjtërinë e Tij për mbështetjen e dhënë Ukrainës, popullit ukrainas dhe fëmijëve tanë, si edhe për lutjet e tij të vazhdueshme”.

Duke dhënë informacion për procesin e negociatave dhe ftesën e tij, Zelensky u shpreh: “E informova Shenjtërinë e Tij për procesin e negociatave që synon arritjen e një paqeje të ndershme”.

Presidenti Zelensky e përfundoi deklaratën e tij me fjalët: “Gjithashtu diskutuam edhe çështjen e zhvillimit të kishës në Ukrainë. Në këtë vit të rëndësishëm, kur festojmë 35-vjetorin e rifitimit të pavarësisë së Ukrainës, e ftova Shenjtërinë e Tij të vizitojë vendin tonë për t’i ofruar mbështetje shpirtërore popullit tonë”.