Albania News Agency

Kreu i OBSH-së, Tedros Adhanom Ghebreyesus, tha: “E përgëzoj Këshillin e Rinisë të OBSH-së që gjatë vitit 2025 ka sjellë me sukses perspektivat dhe ekspertizën e të rinjve në agjendën globale të shëndetit”.

Ghebreyesus theksoi se këshilli ka rritur ndërgjegjësimin për marrëveshjen e pandemisë, veprimet për klimën dhe shëndetin, luftën kundër sëmundjeve jo-ngjitëse përmes Beat NCDs, si dhe mbrojtjen e të rinjve nga produkte të dëmshme si cigaret elektronike.

Ghebreyesus shtoi: “Së bashku me Këshillin Rajonal të Rinisë WHOEMRO, patëm kënaqësinë këtë vit të presim Këshillin Rajonal të Rinisë WHOSEARO dhe mezi presim të zgjerojmë angazhimin e të rinjve edhe në rajone të tjera të OBSH-së”.

Ghebreyesus deklaroi se kanë mirëpritur rekomandimet e këshillit për ndërtimin e sistemeve shëndetësore gjithëpërfshirëse dhe të barabarta, adresimin e përcaktuesve socialë të shëndetit, fuqizimin e grupeve të margjinalizuara dhe të cenueshme, shëndetin digjital dhe rritjen e pjesëmarrjes së të rinjve.

Kreu i OBSH-së tha se, teksa hyjnë në vitin 2026, do të sigurojnë që puna e nisur nga të rinjtë të shndërrohet në përparim të qëndrueshëm.