Albania News Agency

Presidenti rus Vladimir Putin u takua në Kremlin me ministrin e Jashtëm të Iranit, Abbas Araghchi.

Në takim morën pjesë ministri i Jashtëm i Rusisë Sergey Lavrov, këshilltari presidencial Yuri Ushakov dhe zv.kryetari i Shtabit të Përgjithshëm të Forcave të Armatosura të Rusisë Igor Kostyukov, ndërsa nga Irani ambasadori në Rusi Kazim Celali dhe zv.ministri i Jashtëm Kazim Garibabadi.

Putin theksoi se qëndrimi i tyre ndaj ngjarjeve të fundit është i njohur mirë: “Absolutisht nuk ka asnjë bazë dhe asnjë arsyetim për agresion të pabazë ndaj Iranit. Ne kemi marrëdhënie të gjata dhe të qëndrueshme me Iranin. Nga ana jonë, po përpiqemi të ndihmojmë popullin iranian.”

Duke shprehur kënaqësinë për praninë e Araghchi-t në Moskë, Putin shtoi: “Kjo do na japë mundësinë të diskutojmë të gjitha këto çështje urgjente dhe të mendojmë së bashku se si të dalim nga situata aktuale. Ju lutemi, përcillni përshëndetjet e mia më të mira si për presidentin e Iranit, ashtu edhe për liderin fetar Ali Khamenei.”